Rop over havet

Rop over havet. Året er 980. Eirikssønene er drepne og Håkon jarl styrer landet. Det har vore uår, og den tolv år gamle Torarin Gudrødson dreg frå Fitjar til Orknøyane for å kjøpa korn . Faren hans, Gudrød Gudrødson, har også bede han om å dra til Skottland med ei gullsølje som slekta hans røva frå oldemor til Brigitt Duncansdotter, ho som ein gong berga livet hans. Det dreier seg om mange og sterke konfliktar, mellom gammal og ny tid, mellom medlemmer av same slekt. Det er blodtørst, fredsæle og det er kjærleik. Boka dreier seg om usynlege trådar som er trekte over havet mot øyane i vest, eit nett som er spunne over mange hundreår, eit nett som også Torarin no blir fanga inn i.