Nazisten og frisøren

Nazisten og frisøren. Med ein sekk gulltenner på ryggen tek han seg fram gjennom den polske skogen på veg til eit anna liv, våren 1945, massemordaren Max Schulz som blir frisøren Itzig Finkelstein ... Edgar Hilsenrath har klart det som kunne synast umogleg: å skrive ein satire om jødane og SS, ein bitande vittig og blodig roman med svart humor og skuld og soning. Obskøn og grotesk, skriv Heinrich Böll i ei rosande melding da den tyske utgåva endeleg kom, etter at boka først var utgitt på fleire andre språk.